წიგნი და ეკრანიზაცია

კინოხელოვნება, რომ ჩემი სისუსტეა ყველას მოგეხსენებათ. თუმცა ლიტერატურის მიმართაც არანაკლებ “ნარკომანული” დამოკიდებულება მაქვს. ყველას ვისაც კითხვა უყვარს დამეთანხმება, კითხვის დროს აუცილებლად ჩვენებურად წარმოვიდგენთ ყველა პერსონაჟს, უმრავლესობა ცნობილი რომანისა თუ მოთხრობის კინოვერსია/ეკრანიზაცია უკვე გადაღებულია. თუმცა იშვიათადაა, ეკრანიზაციამ გაამრთლოს. მე შევეცდები რამდენიმე პოსტი მივუძღვნა ამ თემას და გამოვყო ის ფილმები, რომლებიც წარმატებული ეკრანიზაციები გახლავთ.

1. მადამ ბოვარი (გუსტავ ფლობერის ცნობილი წიგნის “მადამ ბოვარი”ს მიხედვით) – მიუხედავად იმისა, რომ წიგნი არ მიყვარს, ფილმი ძალიან კარგია. პირველ რიგში ეს მთავარი როლის შემსრულებლის იზაბელ ჰიუპერის დამსახურებაა.  ფილმის ნახვა ღირს მიუხედავად იმისა მოგწონთ თუ არა ნაწარმოები.

წიგნის შესახებ: ხელოვნების მახე, გიყვარდეთ ჩემნაირები

IMDB: 6,6/10

Download , Online

ფილმები სავიკენდოდ (1)

დროის დეფიციტი მაქვს ბოლო თვეებია, როცა სულ მცირე თავისუფალ დროს მოვიხელთებ ფილმებს ვუყურებ, ტყუილად კი არ ვარ სინემანიაკი ჩემთვის კინო საუკეთესო დასვენების საშუალებაა, ანტიდეპრესანტია. ეს კვირა ძალიან სასიამოვნო გამოდგა, ისე მოხდა რაც ვნახე ყველა ერთმანეთზე უკეთესი იყო, გულმა არ მომითბინა და მომინდა თქვენთვისაც გამეზიარებინა ჩემი შთაბეჭდილებები. 

“შეიძლება შემოვიდე?”-მკითხა ვამპირმა

ყველაფერი დიდი ხნის წინ დაიწყო, ჯერ კიდევ თინეიჯერმა ვნახე “დრაკულა” , მომეწონა თან ძალიან. რა თქმა უნდა ეს რეჟისორის და შესანიშნავი სამსახიობო გუნდის დამსახურება იყო პირველ რიგში.

ამას 1994 წელს გამოსული “ინტერვიუ ვამპირთან” მოყვა, ამ შემთხვევაში დაინტერესების უპირველესი მიზეზი ბრედ პიტი იყო, მსახიობი რომლის სურათებითაც ოთახის კედლები და დღიურის ფურცლები აჭრელებული მქონდა (გამოგიტყდებით მის მიმართ გულგრილი დღესაც არ ვარ ). თუმცა ფილმმა ჩემს მოლოდინს გადააჭარბა, მიუხედავად იმისა, რომ საზიზღარი ხარისხით ვნახე, აბა მაშინ კინო აღარ ფუნქციონირებდა და ტელევიზორში კარგი ხარისხით იშვიათად უშვებდნენ ახალ ფილმებს.

არ მოგატყვილებთ და იმის მოყოლას არ დავიწყებ, რომ ვამპირებზე ინფორმაციების მოგროვება და ძიება დავიწყე, არა ეს არ მომხდარა, უბრალოდ ყოველთვის დიდი ინტერესით ვუყურებდი ფილმებს სადაც ნახსენები იყვნენ ისინი.