წიგნი და ეკრანიზაცია
კინოხელოვნება, რომ ჩემი სისუსტეა ყველას მოგეხსენებათ. თუმცა ლიტერატურის მიმართაც არანაკლებ “ნარკომანული” დამოკიდებულება მაქვს. ყველას ვისაც კითხვა უყვარს დამეთანხმება, კითხვის დროს აუცილებლად ჩვენებურად წარმოვიდგენთ ყველა პერსონაჟს, უმრავლესობა ცნობილი რომანისა თუ მოთხრობის კინოვერსია/ეკრანიზაცია უკვე გადაღებულია. თუმცა იშვიათადაა, ეკრანიზაციამ გაამრთლოს. მე შევეცდები რამდენიმე პოსტი მივუძღვნა ამ თემას და გამოვყო ის ფილმები, რომლებიც წარმატებული ეკრანიზაციები გახლავთ.
1. მადამ ბოვარი (გუსტავ ფლობერის ცნობილი წიგნის “მადამ ბოვარი”ს მიხედვით) – მიუხედავად იმისა, რომ წიგნი არ მიყვარს, ფილმი ძალიან კარგია. პირველ რიგში ეს მთავარი როლის შემსრულებლის იზაბელ ჰიუპერის დამსახურებაა. ფილმის ნახვა ღირს მიუხედავად იმისა მოგწონთ თუ არა ნაწარმოები.
წიგნის შესახებ: ხელოვნების მახე, გიყვარდეთ ჩემნაირები
IMDB: 6,6/10
2. მოლ ფლენდერსი (1996) (დანიელ დეფოუს რომანის “მოლ ფლენდერსი“ს მიხედვით) გამოგიტყდებით ერთ-ერთი ჩემი საყვარელი წიგნთაგანი იყო 15-16 წლის ასაკში, ეკრანიზაცია საკმაოდ კარგია, იმდენად, რომ ფილმის ნახვის მერე წიგნის მოძებნის და მისი წაკითხვის სურვილიც კი გაგიჩნდებათ.
მთავარ როლებში: რობინ რაიტი და მორგან ფრიმენი არიან .(სატელევიზიო ვერსიაც არსებობს დენიელ კრეიგით მთავარ როლში, არაფრად ვარგა და იმაში არ აგერიოთ)
IMDB: 6,2/10
3. მოგზაური/ჰომო ფაბერი (მაქს ფრიშის “ჰომო ფაბერი”ს მიხედვით) საკმაოდ კარგი ეკრანიზაცია, თუმცა წიგნი ჩემი აზრით უკეთესია, მაგრამ ფილმის ნახვაც ღირს.
წიგნს შესახებ: დია , როკერმელომანი
IMDB: 6,8/10
4. ელემენტარული ნაწილაკები (მიშელ უელბეკის “ელემენტარული ნაწილაკები”ს მიხედვით) უელბეკი ჩემს ერთ-ერთ ფავორიტად იქცა მას შემდეგ რაც მისი “პლატფორმა” წავიკითხე, სამწუხაროდ მისი ეკრანზე გადატანა ჯერ არავის უცდია. “ელემენტარული ნაწილაკები” უკვე კაი ხანია სახლში მაქვს, კომპიუტერში კი მისი ეკრანიზაცია მეგულება, ჯერ არც წამიკითხავს და არც მინახავს 🙂 ასეთი ჩვევა მაქვს სიამოვნების გახანგრძლივება მიყვარს, შესაბამის განწყობას ველოდები, რომ ჩავუჯდე ჯერ წიგნს და მერე ფილმს, რომელსაც ძალიან აქებენ ჩემი კინომანი მეგობრები 🙂 თუ თქვენ უკვე ისიამოვნეთ წიგნით, გირჩევთ ფილმი ნახოთ და შთაბეჭდილებები გაგვიზიაროთ.
ფილმი ბერლინის ვერცხლის დათვის მფლობელია.
წიგნის შესახებ: მკითხველი
IMDB: 6,7/10
5. ექიმი ჟივაგო (ბორის პასტერნაკის “ექიმი ჟივაგო”ს მიხედვით) გამოგიტყდებით ჯერ ფილმი მაქვს ნანახი და მერე წიგნი წაკითხული, თუმცა უნდა ისიც ავღნიშნო, რომ მიუხედავად იმისა სიუჟეტი ვიცოდი წიგნი ძალიან საიტერესო წასაკითხია (ნობელიანტი მწერალია მაინც, ამიტომ წაკითხვა ღირს ნამდვილად).
ამ წიგნის 2 ეკრანიზაცია მინდა გამოვყო:
პირველი 1965 წლის 5 ოსკარის მფლობელი (10 ნომინაცია ქონდა), მათ შორის საუკეთესო ადაპტირებული სცენარისათვის. ომარ შარიფით, ჯული ქრისტით და ჯერალდინა ჩაპლინით მთავარ როლებში თუ არ გაქვთ ნანახი ნახეთ და ისიამოვნეთ;
IMDB: 8.0/10
მეორე 2002 წლის სატელევიზიო ფილმი კირა ნაითლის მონაწილეობით, რომელიც არც მე მინახავს ჯერ, თუმცა ცუდი არ უნდა იყოს.
IMDB: 7.3/10
6. ალატრისტე (არტურო პერეს რევერტეს “კაპიტანი ალატრისტე” მიხედვით). სამწუხაროდ წიგნი არ მაქვს ჯერ წაკითხული, ქინდლს რომ შევიძენ მერე ვაპირებ საფუძვლიანად გავეცნო ამ პერსონაჟის თავგადასავლებს, რადგან ფილმმა მომხიბლა, ძალიან შემიყვარდა ეს მამაცი ადამიანი 🙂
Нет, он был не самый честный и не самый милосердный человек на свете. А вот потягаться с ним в отваге смогли бы немногие. Звали его Диего Алатристе-и-Тенорио
წიგნის ავტორზე: მოლი ბლუმი
IMDB: 6,0/10
ბონუსად შემოგთავაზებთ გი დე მოპასანის ჩემთვის ძალიან საყვარელი ნაწარმოების “ლამაზი მეგობარი”ს მიხედვით უკვე გადაღებული ფილმის ტრეილერს, რომელიც მსოფლიო ეკრანებზე მარტში გამოდის. ფილმში მთავარ როლებს ასრულებენ: რობერტ პატისონი, უმა თურმანი, კრისტინა სკოტ ტომასი და კრისტინა რიჩი. როგორც უკვე აღნიშნეს ფილმის ავტორებმა, იგი ზედმიწევნით ახლოსაა რომანთან. (რომანი დაახლოებით 17 წლის წინ მაქვს წაკითხული, მომინდა ხელახლა წამეკითხა და ახლა სწორედ მას ვკითხულობ, სულ სხვანაირად აღვიქვამ)
წიგნის შესახებ: ხელოვნების მახე
გაგრძელება იქნება …
პ.ს. ვისაც ლიტერატურაზე და წიგნებზე მეტის წაკითხვა გინდათ ჩემს მეგობარ ბლოგებს შეგიძლიათ შეუაროთ 🙂 შემდეგ პარასკევს კი ისევ ჩემთან, სინემასმანიაკ-თან გელოდებით 🙂
mecmikvarkhar.wordpress.com 
წარმატებული ეკრანიზაცია იშვიათობაა, მართალი ხარ. სხვა რომ არაფერი, ფილმს მაინც წიგნის გადმოსახედიდან აფასებ (თუ წიგნი მოგეწონა – მითუმეტეს) და შენს და მწერალს შორის უკვე რეჟისორიც დგას. “ნათლია” გამახსენდა მარტო და “გუგულის ბუდე”.
“ალატრისტე” არ მინახავს 🙂 ამ უიკენდზე დავაგემოვნებ. სხვათაშორის, პოლანსკის “მეცხრე კარიბჭე” რევერტეს “დიუმას კლუბის” მიხედვით არის გადაღებული და მაინცდამაინც არც ეს ფილმი მომწონს.
არ იცი, როგორ მიხარია, ბლოგი რომ აამუშავე და პარსკევობით შენ რომ გსტუმრობ, თეო :))
100% გეთანხმები, “მეცხრე კარიბჭე” საერთოდ არ მომეწონა ადრე, რომ ვნახე, მერე შენგან რომ გავიგე ეკრანიზაცია იყო რევერტესი კიდევ ერთხელ ვნახე და საშინლად არ მომეწონა მართლა, იმდენად, რომ წიგნის წაკითხვის სურვილი გამიჩნდა თქო ვერ გეტყვი 🙂 აი “ალატრისტე”ზე პირიქით მოხდა, თან ვიგო ისე კარგად თამაშობს ❤
ნათლია ფილმი უკეთესიც კია მგონი, გუგულის ბუდე კი ორივე შესანიშნავია.
მადლობა მოლი, შენი სტუმრობა ყოველთვის მიხარია 🙂
რა ძალიან კარგი პოსტია თეო 🙂 ძალიან შემიყვარდა შენი ბლოგი 🙂 ყველა ფილმი ვნახე უკვე, რომლებსაც გვირჩევ ჩვენ, უბრალოდ მოკვდავთ 🙂 და აღფრთოვანებული ვარ 🙂 არც ამ პოსტს დავტოვებ უყურადღებოდ რასაკვირველია :*
მადლობა, მიხარია თუ რამეში გადგება ჩემი პოსტები :*
მეც ტრადიციულად მოგენდობი და მივხედავ საქმეს. ” ჟივაგო” მე ახალი უფრო მომწონს, თუმცა კირას ჯული სჯობს ჩემი აზრით.
აი ხო ხედავ, მე კიდევ არ მაქვს ნანახი 🙂 ვნახავ აუცილებლად, ახლა კიდევ უფრო დავინტერესდი 🙂
ჰომო ფაბერს ვნახავ აუცილებლად ღამე ჩავუჯდები :))
მერე შთაბეჭდილება გვითხარი არ დაგავიწყდეს 😉
ეკრანიზაციებიდან გუგულის ბუდეს ვერ ვივიწყებ. 🙂
ფაბერს ამ დღეებში “ჩავუჯდები” – დამაინტერესა. 🙂 ჟივაგოს მოგვიანებით – ტრადიციულად, ჯერ წიგნი, მერე ფილმი 🙂
ეგეთი მიმდევრობა საუკეთესოა ნამდვილად, ანუ წიგნი და მერე ფილმი 🙂 თუმცა ჟივაგო იმდენად მომეწონა როცა ვნახე, გადარეული ვეძებდი წიგნს, ახლა ისეთი ფუფუნებაა მაგ მხრივ ქართულადაც არის ნათარგმნი 🙂
მე კითხვა უფრო მომწონს, მაგრამ ფილმეფის ყურებაც კაია. ჩამოთვლილთაგან რამდენიმე არც მაქვს წაკითხული. იმედი მალე წავიკითხავ და ჯერჯერობით მხოლოდ ფილმების ნახვით შემოვიფარგლები! 🙂
ეგ არაფერი, ყველაფერი წინ გაქვს :))
აი, მადამ ბოვარს ჩავუჯდები დღეს. (თუ მალე მოვრჩი ხვალინდელ საკითხებს ;დ)
უელბეკის ეკრანიზაცია თუ არსებობდა არ მეგონა. დამაინტერესა 😉
სხვათაშორის კინოეკრანების ნახვის შემდეგ, ზოგიერთი წიგნის წაკითხვას, ალბათ, ვეღარასოდეს მოვინდომებ. მაგ.: ანა კარენინა, ომი და მშვიდობა. თუმცა, არაფერს გამოვრიცხავ.
ომი და მშვიდობა იმხელაა და ისე დამღლელი წაკითხვა არც ისე მომდომებია 🙂 კარენინა ფილმამდე წავიკითხე, თორე ისე არ წავიკითხავდი ალბათ 🙂
ერთი ფილმიც არ მინახავს ამათგან.
წიგნებიც ყველა არ წამიკითხავს. 🙂
აი პოლანსკის ეკრანიზაცია ძალიან მომწონს. ჯერ ეგ ვნახე მერე წიგნი წავიკითხე. მერე ფილმი კიდევ ერთხელ ვნახე. სუპერ.
თან პოლანსკით გავიგე საერთოდ რივიერტეს არსებობა. ჩემნაირი მდაბიოსთვის მისწრება მწერალია.უმბერტო ეკო ძაან რთულია ჩემთვის და დენ ბრაუნი კი ძალიან პაპსა. რივიერტე ზუსტად საჩემოა. 🙂
ასეც ხდება ფილმის მერე წიგნის წაკითხვა რომ გინდება 🙂
რა კარგი პოსტია 🙂
მადლობა 🙂
მაქს ფრიში როგორ არ მაქვს წაკითხული, არადა რამდენი მსმენია ამ კაცზე ლიტერატურის ლექტორისგან :დ :დ
წაიკითხე, ისიამოვნებ ნამდვილად 🙂
კაი პოსტია ძაან, თეო ეფრიშიეით!
მადლობა უცნობო 😉
ლამაზი მეგობარი როგორ მაინტერესებს!!!
მეეც 🙂
Pingback: ფილმები, ფილმები, ფილმები… ანუ სტუმრად სინემანიაკთან « rockermeloman